قرارى الاخير ........

قرارى الأخير

فــ نفس المكان شايف عنيـــــكى رايحه جايـــه
سامع سكات بين الشفايف فى كلمه بينهم مداريه
عايزه تقولى ارجع تعالى حس بيا
مبئتش قادره ع البعاد ارحم عنيا

شايف فــ عنيكى كسره...جواها ألف حصره...ع الحب اللى هان
سامع بين الشفايف...سكاتك ومنه خايف...بتبكى ع اللى كان
أرجع تانى واسامح...وردِك يبقى جارح...واعتب ع الزمان
واندم تانى واكسر...جوايا نفسى واخسر...وارجع نفس المكان

لازم ابقى واكون...وانسى انى يوم اكون...بين إيدك أسير
لازم ابعد بعيد...وازيد فــ البُعد وازيد...ويكون د قرارى الأخير
واكسر جوايا لهفه...لو يوم بقت ليكى
وانسى الى كان بينا...م خلاص انا هُنت عليكى
واعيش لنفسى شويه...ماانا عِشت ليكى كتير

مبئتش فيكى افكر...ع البُعد والله هقدر...وهفكر فيكى ليه
يعنى ارجع تانى ليكى وقلبك فيا يكسر
وفضل طول عمرى بَخسر...وانا هاخد م الجرح أيه
مَ الأحسن ليا أبعد...وانسى الى ليا فــ قلبك...وشوف الدنيا بَعدك...هتضحك ولا أيه
أيه الى انا خدته منك...كان كله عذاب وقلبك...مافكر حتى فيه