شذا فى حوار صريح : كان نفسى أعمل عمليات تجميل ..لكن حذرونى

لم تتردد ولم تفكر فى الاجابة على أى سؤال وجهته لها ريهام سعيد ، انها
المطربة الشابة شذا ، التى لفتت الانتباه منذ الاطلالة الأولى لها ، كما
تتمتع بصوت جميل ...
بدأت ريهام بالسؤال عن مطربتها المفضلة فقال : أنا باموت فى شرين ...
** تامر حسنى ولا حماقى ؟
- أنا بحب حماقى أوى وهو شاطر جداً ، لكن اللى قدر يوصل أسرع تامر حسنى اللى عمل أفلام أكتر ...
** مى كساب سبقتك علشان مثلت ؟
- لأ أنا كلمينى كمطربة ماليش دعوة بالتمثيل
** هتمثلى ؟
- أكيد هامثل لأن فيه أدوار اتعرضت عليا
** انت كنتى صديقة مقربة جدا من حماقى فترة طويلة ثم انتقلتى لصداقة تامر حسنى ليه ؟
- أنا مش شايفة انى علشان تامر صديق لى يكون حماقى لأ
ين ** مش شايفة إن فيه غيرة بين الاتن؟
- الغيرة فى العمل الفنى مش فى الاشخاص .
** عندك كام سنة ؟
- 23


** إتخطبتى ؟
- فيه شبكة جت فى البيت وفى الطريق لمشروع خطوبة
** يعنى نقول ده جواز صالونات ؟
- لأ ...كنت أعرفه من فترة طويلة واتقدم لخطوبتى
** حبيتى كام مرة ؟
- حب بجد مرتين ، لكن الاعجاب كتير بنمر بيه
** خطيبك هل له ملاحظات على شغلك أو بيتدخل فى اختياراتك وعلاقاتك ؟
- اتكلمنا كتير فى التفاصيل دى ، ولسة فيه حاجات بنتفق عليها حتى الآن لكن التجربة هى خير فيصل .
** مشكلة الوسط انه هيتقال ده راح اتجوز مطربة ..
- المشكلة ان فيه نماذج لفنانات أسأن للوسط الفنى كثيراً ، وتسببن فى مثل هذا الكلام .
** هيفاء معاكى فى نفس الشركة وأجرها 50 الف دولار ليه ؟
- كالعادة احنا عندنا عقدة الخواجة ولكن ده أجر هيفاء قبل انضمامها لشركة محسن جابر .
** يقال أنه كان هناك حفلة ليكى وأخرى لهيفاء وان محسن جابر حضر الثانية ؟
- أنا لم أعزمه وهو مش شرط يكون عارف
** دعاية ألبوم هيفاء أكبر من دعاية ألبومك ليه ؟
- الدعاية على حسابها ، وأنا أبويا عنده فلوس لكن ده مش معناه إنى آخد
الفلوس أصرفها ، فلوس والدى جعلتنى مش مضطرة أهين نفسى أو إتكسرت عينى أو
أتمرمط ...
إللى باكسبه باصرفه على شغلى
** عملتى عمليات تجميل ؟
- كنت عايزه أعمل عمليات تجميل لكن حذرونى من تغيير شكلى دلوقتى